Mulakaatein kuchh anjaani si,
Khaamoshiyon me dafn zubaani si,
Khafa khafa si, masoom surat me,
Aankhon me simte namkeen paani si,
Woh tarasti sunne ko pyaar k, shahd me lipti do gaali si,
Intezaar k lamhon se bhari, Zindagi uski khaali si,
Waqt k daaman me khojti, sookhe patjhad ki hariyaali si...
Tum samjho na samjho baatein uski, par ladki hai woh bholi bhali si...
Par ladki hai woh bholi bhali si...
